الجمعة، 15 فبراير 2008

عايزة راي حقيقي

اولا وحشتوني خالص خالص خالص وانا عارفة اني مش برد عليكم في التعليق غير قليل لاني بحس ان المفروض اسيب لكم مساحة تعبر فيها المهم مش عايزة حد يزعل
وانصحوني بمااني لسه جديدة في موضوع الخطوبة وخيبة انا مش عارفة اعمل انا بداية اتخطبت خطوبة عادية بمعني الطريقة التقليدية من غير حب يسبقها ومش عارفة انا فعلا بقعد ساكتة مع خطيبي ومش عارفة اقول ايه وهو بيقولي كلام كتير وعايزني ارد عليها وانا بجد مش عارفة فبرد اقول لما احس باي حاجة حقولها فوصل معاي الموضوع لدرجة انه متهيالي انه ما فيش استجابة مني رغم اللي بيعملوا معايا ورغم الكلام اللي بيقولوا بس والله سبب المافقة علي الموضوع اني صليت استخارة وبعد كده الموضوع مشي لوحده رغم ان كان قبل كده في مواضيع مختلفة وكانت بتتعقد ومش يحصل نصيب وانا دلوقتي مش عارفة اقووووووووووووول ليه اايه ؟ انا غلطانة اني مش بتكلم ولا ده طبيعي ولا ايه بالظبط الرجاء الافادة لاني اثق في عقولكم اجمعين وهذا السبب في طرح هذا الموضوع عليكم

هناك 11 تعليقًا:

3abdo me7tas يقول...

نفرتيتى
انا طبعا مخطبتش قبل كده
بس اللى اقدر اقوله انه من الطبيعى ان ده يحصل ومرة بمرة ان شاء الله هتاخدو على بعض
نفرتيتي
لو كان شاب طيب وكويس اوعى تتخلى عنه
ان شاء الله خير وربنا يوفقك

رحيق الحب يقول...

عزيزتى نفرتيتى

اولا الف مبروك على الخطوبة وربنا يتمم ليكى على خير يا رب ويسعدك
ثانيا:
موضوع انه بيتكلم كتير وانت كلامك قليل والكلام ده مش سبب عشان تقولى مقدرش اكمل وياه
الاول انتى وافقتى قبل الخطوبة على اساس ايه
متدين
فيه التقاء فى الفكر
شايفة انه ملتزم وكويس
تقبلتيه نفسيا
لو هو كذلك فعلا وشايفة ان فيه التقاء اجتماعى وفكرى ودينى خلاص آدى نفسك فرصة بس مش اكتر وحاولى تتكيفى بمعنى هوا بيديكى اهتمام انتى برضو حاولى تبقى معاه على نفس الخط عيشى حياتك وعيشى لحظتك على فكرة اعرف ناس اتجوزوا جواز عادى تقليدى بس بجد تحسى انهم ملتقين فى حاجات وتحسى انهم زى ما يكونوا اخوات او بينهم حب قوى ما شاء الله عليهم والحمد لله هما اتجوزوا وعندهم بيبى دلوقت والبنت صحبتى دية بجد كانت خيبه اوى وخجولة جداااا
فا حاولى تخرجى نفسك من الدايرة دية لو انتى شايفة انه بيحترمك وبيقدرك وبيحافظ على مشاعرك وهيحافظ عليكى وملتزك دينيا واخلاقيا يبقى بجد متفرتيش فيه ولو مثلا مريتى بتجارب سابقة زى ما بيحصل مع بنات كتير يبقى انسى كل اللى فات خالص وابدئى حياتك الجديدة واوعى تقعى فى موضوع مقارنه عشان ده غلط جدااااااااا

اما بقى

لو فعلا بجد حاولتى بكل السبل وعملتى كل حاجة بس انتى داخليا فيه حاجة مش مستريحة يبقى متغصبيش نفسك على حاجة انتى كارهاه عشان دية عشرة وحياة ومستقبل

بجد اتمنى ليكى حياة سعيدة وربنا يحقق ليكى كل اللى تتمنيه وان شاء الله ربنا هيكرمك بس انت ادعى دايما فى صلاتك

Doba يقول...

بصى يا ستو انا

انا عاوزة تفاصيل اكتر
سنك
سنه

حبيتى قبل كده ولا لا
انتى عاجبك فيه ايه علشان توافقى عليه
صلاة الاستخارة ممتازة لكن فين ان القلب يكون قابل

عاوزة اعرف جوه قلبك فيه ايه علشان اقول رأيى بصراحة وايه اللى عقلك بيتمناه علشان كده قافل طريقه فى سكة خطيبك

تفاصيل يا اختاه علشان نفيدك اكتر
وبرده
ايميلى تانى
hebacanon@hotmail.com

ف انتظارك
او ابعتيلى حتى ايميل علشان ابعتلك تليفونى

سلام
هبة

ردى على تعليقى علشان تطمنينى

جهاد خالد يقول...

هييييييييه دنيا
خخخخخخخ
...
أولا مبروك لاخطوبة يا سكرة

ثانيا أحلى حاجة الخطوبة التقليدية
ليه بقى
لأن الحب فيها بيجي بالتدريج وعلى أقل من مهله وبيبقى مبني على أساس قوي جدا

طيب وثالثا

ثالثا بقى يا ست البنات عجبتني حتة الاستخارة دي
لان فعلا الزواج بالذات أكتر موضوع بيبان فيه تدابير بنا سبحانه وتعالى
وأكيد أكيد لو مكنش في قبول مبداي منك مكنتيش فكرتي تستخيري أصلا وكنتي رفضتي وخلاص


نيجي بقى لرابعا عشان كفاية رغي كدا
وعايزين نخش في المهم

رابعا ياستي يللي هو انتي
اللي انتي فيه ده طبيعييييي جدددددا
ده انسان عمرك ما اتكلمتي معاه في حاجة قبل كدا مفيش بينكم مواضيع مشتركة
زي ما بيقولو محتاجين لسه ice break
طيب انتي تعملي ايه عشان الراجل ما يطلعش من هدومه
لما هو يفتح مواضيع ماترديش على الأد
لا حاولي توجدي حوار ونقاش ومرة فمرة هتلاقيكو بقيتوا تمام التمام وبينكم كلمات وتعبيرات خاصة بيكم وسهل تتكلموا في اي وقت وفي اي موضوع

المهم ما تقلقيش خاااااالص
وكلامي ده عن تجربة

خامسا بقى
في كتب ومقالات كتير بتساعد في الموضوع ده
لو عايزة تفاصيل اكتر عشان ما اطولش عليكي بس
ايميلي اهو ياباشا ونحن في الخدمة
:)

khgehad@yahoo.com

وربنا يهنيكي يا قمراية

نفرتيتي يقول...

3abdo me7tas
السلام عليكم ورحمة الله وبركاته
عامل ايه يا محمد اخبارك ايه في ظل الظروف والتغييرات الكتير اللي بتحصلك نتمني انك تكون بخير وقوي دائما . واحنا عارفين انك مش خطبت قبل كده لكن باذن الرحمن ربنا هيكرمك ببنت الحلال اللي تتستاهله وتحبك وانت كمان تحبه بصدق وربنا يسعدكم ان شاءالرحمن .
وبالنسبة لمحمد اللي مخطوبة ليه هو شخص كويس وعارف ربنا فانا سيباها علي الله هو ربنا اللي بيدبر الامور واذا كان محمد مش مكتوب ليا اكيد هتحصل تدابير تانيه واذا كان مكتوي ليا انا راضية بحكم ربنا وهقول الحمد لله .
المهم سيبك مني لعلك بخير دلوقتي وفقت من اللي انت فيها انت انسان قوي وايمان قوي وربنا يكرمك وسيبها علي الله ذي بيت الشعر اللي بيقول( دع الايام تفعل ما تشاء وطب نفسا اذا حكم القضاء
ربنا يكرمك

نفرتيتي يقول...

رحيق الحب
اولا الله يبارك فيكي يا هالة وحشاني خالص ليه مش باينة كده
ثانيا هو دلوقتي بيطالبني اني اتكلم مش هو الله بيتكلم وهو متدين ودماغة كبيرة وانا بعمل دلوقتي بنصحيتك وبادي ليه وليا فرصة وبعدها هنقرر بس هو شخص كويس بس مش عارفة اعمل ايه
اشكركعلي النصائح الغالية

نفرتيتي يقول...

دوبا
بص يادوبا انا بشكرك جدا جدا جدا علي اهتمامك بي لدرجة انك حسستيني اني اعرفك من زمان خالص وياريت دا يدوم باذن الرحمن وانا ايميلي
lm2666@yahoo.com
وياريت نعمل شات وضيفني عندك
انا دلوقتي الحمد لله احسن من الاول حطيت شوية حاجات في دماغي وهمشي علي خلا يا هبه امني انك تضيفيني

نفرتيتي يقول...

النجمة الصامده
اي ههييييييييييي دي دا مصير اي حد
وبعد الله يبارك فيكي عقبال انشالله نورتيني بجد
ثانيا انتي شايفة الخطوبة التقليدية احسن انا معاكي في الراي ده بس لو قبلها لقيتي واحد بيحبك واتحركت فيكم مشاعر واحاسيس مختلفة ويخاف عليك وبعدين تمات الخطوبة علطول دي بردوه حاجة كويسة بتكون فيها صدق وحب متبادل
ثالثا
انا صلاة الاستخارة شي اساسي بالذات في موضوع عشان بنستخير ربنا وهو يدلنا وكرمنا لما بيكون الموضوع بادئ بشكل ايماني اكتر
بالنسبة لرابعا انك حسستيني انسانه طبيعية مش صناعية
شكرا علي الافادة يا نجمة

walaa يقول...

نفريتيتى
اولا مبروك الخطوبه
ثانيا ايوه انت علطانه علشان مش بتردى عليه
ادما بيتكلم فى مواضيع عامه بدليه الحوار
اعرفى وجهة نظره
اعرفى اذاى هو بيفكر
امال هى فترة خطوبه ليه
علشات تتكلموا مع بعض وكل من الاخر يوصل الى فكر الاخر
بجد انت غلطانه
لازم تتحورى معاه وتفهمى فكره ويفهم فكره
وربنا يتمم بخيير
ولاء

احساس لسه حى يقول...

عزيزتى

هو بس عاوز افهم انتى اساسا قليلة الكلام طبيعتك كده

ولا معاه بس مش بتعرفى تتكلمى وتفتحى فى الكلام

تانى شئ هو الموضوعات اللى بيتكلم فيها بتملك ولا بتكون عجباكى

تالت شئ ليه اليوم اللى بيجى فيه مش بتحددى ايه اللى تحبى تتكلمى فيه معاه وايه هتتكلمى فيه بعدين

رابع شئ

ان المفروض تستغلى الفتره دى وتتوغلى جواه وتفهميه اكتر واكتر علشان تحددى ده الانسان اللى تتمنى تعيشى معاه كل عمرك اللى جاى

ولا احساسك بيقول ان صعب تعيشى معاه كل حياتك مش ده حلمك

ممكن يكون كمويس قوى ومحترم قوى بس انتى مش قادرة تتقبليه كزوج

والزوج لازم يكون بالنسبالك شئ لا تملى منه ابدا شئ تتمنى وجوده معك دائما

بلاش السكوت ده وحولى تفتحى مزيدا من الحوار معه

تحياتى

صحيح بلاش الانيلات اللى حطنها كده ممكن واحد غلس زى يخدهم

سلاااااااااااااااام

عروسة ننوسة يقول...

اولا مبروك لكن من رائى انك تديله فرصة يمكن يكون كويس وتحبيه ولو معرفتيش انصحك بالابتعاد فالزواج اصله الحب والتفاهم والقبول...تحياتى